|
ليله وانا مرتـاح فـي احلـى منـام
جتني طمـوح النفـس سـر الغـرام
|
|
واوصتني احفـض سرهـا باحتـرام
لايسمـعـن السـيـدات الاديـبـات
|
|
وتقول انا جيتـك مـن ارض بعيـده
اسمع ببـو مطلـق واحبـه واريـده
|
|
لعلـنـا نحـيـا حـيـات سعـيـده
ونعج في مستقبـل الوقـت عجـات
|
|
قلت اجعلى صدقـك يغطـي مزوحـك
وانا الطبيب اللـى يـداوي جروحـك
|
|
مير اخبريني عـن حياتـك وروحـك
بالله مـن ايـات النحايـا والامــات
|
|
قالـت ايرانيـه ومـن ديـرة ايـران
جابتني الاقدار مـن ذيـك الاوطـان
|
|
قلت الغصون تميـل والعـود ريـان
ياكثـر كـذب ام العيـون الكحيـلات
|
|
قالت عراقيـه ومـن ذيـك الاقطـار
ادرى على ذا الروح من كـل غـدار
|
|
قلـت اه ياريـم الفـلا منـك مكـار
ياكثـر كـذب ام العيـون الكحيـلات
|
|
قالت ترانـي مـن بـلاد الشوامـي
من سوريه قلـت اتركـي هالكلامـي
|
|
يبـو انهـود مثـل تفـاح شـامـي
ياكثـر كـذب ام العيـون الكحيـلات
|
|
قالـت ترانـي مـن هذيـك النحيـه
مـن ناحيـة عمـان الارض الهنيـه
|
|
قلت اعتقـد مانتـي صحيـح اردنيـه
ياكثـر كـذب ام العيـون الكحيـلات
|
|
قالـت ترانـي مـن قطـر ياثبيتـي
هات القلم وكتب للك اوصـاف بيتـي
|
|
قلت اختبرناك وعلى الصـدق ا بيتـي
ياكثـر كـذب ام العيـون الكحيـلات
|
|
قالت خذ الصدق واخذ اقصى الحقيقـه
مـن الكويـت اللـى بلدكـم شقيقـه
|
|
قالـت اثـر ساعتكـم تقـدم دقيقـه
ياكثـر كـذب ام العيـون الكحيـلات
|
|
قالت خذ اعلومـي وسجـل خبرهـا
من تونس الخضرا سقـى الله ديرهـا
|
|
قلـت الثـريـا لاتغـالـط قمـرهـا
ياكثـر كـذب ام العيـون الكحيـلات
|
|
قلـت نبـي نقنـع مجيـب وسايـل
من ليبيه ياخـي ويـش انـت قايـل
|
|
قلت السفـاره تبعـث النـا رسايـل
ياكثـر كـذب ام العيـون الكحيـلات
|
|
قالت نبي نقصر لـك العلـم قصـرى
اليا بغيت الصدق من شعـب مصـرى
|
|
قلت ابني من الكذب عشرين قصـرى
ياكثـر كـذب ام العيـون الكحيـلات
|
|
قالت عسى رب الملا يصلـح الشـان
منشي سحاب الغيث من غر الامـزان
|
|
لن سلتني ياخي مـن شعـب لبنـان
ياللـى تسـب ام العيـون الكحيـلات
|
|
قلت الحـذر منكـن فـرض وسنـه
ياكم ركبنا الخيـل مـن غيـر اعنـه
|
|
يجب علينا الحرص مـن كيـد كنـه
في وقتنا الحاضر وفي كـل الاوقـات
|
|
امشي على مهلك واناامشـي بمهلـي
ياحلوت الخدين لـن سمعـوا اهلـي
|
|
اخـاف مايلتـف شمللـك وشملـي
قلتـه وقالـت ليتهـا كـان ماجـات
|
|
حبك كوى قلبـي وهشـم ضلوعـي
تنـاول المنديـل مسـح دمـوعـي
|
|
قلت ابشري مولاك ماهـو قطوعـي
وانـا مـن ارجـال تحـل المهمـات
|
|
بكـره يبـي يخطبـك اميـر بدالـي
ناصر بـن معمـر كريـم السبالـي
|
|
قالت صحيـح انـه عزيـز وغالـي
لكـن مامالـت لـه النفـس ميـلات
|
|
قلت امطر خيالـك وسيلـك نحـاوي
لاتحسنين الضـن فـي كـل غـاوي
|
|
عبدالعزيـز بـن معمـر غـنـاوي
قالت عنه قلبي ضـرب لـه نحيـات
|
|
قلـت الله ينسيـك همـك وهـمـي
ابالعـلا مانـع تريـه بـن عـمـي
|
|
قالـت كفـو لاكـن ماهـو بيـمـي
يقولـون مانـع مايبـي الاجنبيـات
|
|
قلت اتركي ثلثين الاحـزان والضيـم
رضيت للك فضيلـة القاضـي اغنيـم
|
|
قالـت تـراك اتعبتـي يابـن تويـم
وانشبتنـي فـي خـط كلـه ملفـات
|
|
قلت الشريف حسين لن جـاك ضنـي
راعـي هـروج مثـل هيـل وبنـي
|
|
قالـت مـن ايـدق الطبـول ويغنـي
قلب الشريف يميل نحـو الشريفـات
|
|
قلـت ان هـداك الله ياعسـل ذايـب
يقولون يحيـا شيـخ ماهـو بخايـب
|
|
كنه ولـد وان كـان اريتيـه شايـب
قالت عدلنـا عـن ملاييـن وميـات
|
|
قلت ارقصي فوق الغصـن ياحمامـه
لقيت شفـك مـن رجـال الشهامـه
|
|
ياسيـن راعـي فـلـه بالسـلامـه
قالت علومي عـن علومـه بعيـدات
|
|
قلـت اه ياضبـي عديـم الوصايـف
دنياك يالغالـي كمـا مانـت شايـف
|
|
طلعت تـورى فيـه والاانـت عايـف
قالت ماسب اهل الشـرف والمـروات
|
|
قلت الشرف مافـور والعـز ضـاف
ذكرت لي شخـص لبوسـه رهـاف
|
|
اسمـه جمـال الزمـزي يالسنـاف
قالت شربنا المـا مـن الزمزميـات
|
|
قلت اشكل علومـك طـوال عـراض
الغايه ابارضى للـك اسـراج قاضـي
|
|
قالت على صرف النضـر والتغاضـي
نمضي لكم باقلامنـا عشـر مـرات
|
|
قلـت الحميـدي لا يفوتـك نصيحـه
لن كان اثـر نيتـك معنـا صحيحـه
|
|
راعي الصحن فـي حلتـه والذبيحـه
قالت كفـو ميـر العـذارى كثيـرات
|
|
قلـت العفـو نسيـت واليـوم ذاكـر
من راينـا نعطيـك محمـود شاكـر
|
|
قالت نرد للـك الخبـر صبـح باكـر
والعيـن تاشـر والسرايـر خفيـات
|
|
قلت احسنـي ضنـك وقلبـك دليلـك
عبدالله قصيـر يبـي يستـوي للـك
|
|
واليا استويتي لـه يسجـل جميللـك
قالت قلوب اهـل المحبـه سجـلات
|
|
قلت اثر سوقـك مصـدر للخسـاره
مانـاسـبـوك موضـفـيـن الاداره
|
|
قالت شرفنـا مايبـي عبـس جـاره
لوكيدكـم يرجـح بكيـد الزكـيـات
|
|
قلت ارتضي للك واحد مـن ازملايـه
ولكـل مشكلـت" علـى الله نهايـه
|
|
جـار الله السـواط فييـه الكفـايـه
قالـت وجـع لايسمعـن الفتـايـات
|
|
قلت العصيمي مـن رجـال الشكالـه
اخذيـه قالـت مافتـنـي جمـالـه
|
|
ياخـذ لـه اعصيميـت شـف بالـه
ماعاشـر البـدوان غيـر ابدويـات
|
|
قلت الجعيـد الضاهـر انـه شفيـه
ابـن طنـف راعـي العلـوم النقيـه
|
|
قالـت دخيلـلـك لاتـدلـه علـيـه
أقـر عليـه الفاتـحـه والتحـيـات
|
|
قلـت الحـلا ضـد البـلا والمـراره
عندي للك مريسي سقـى الله ديـاره
|
|
قالت عسـى عينـي ماتشـوف داره
الحـارثـي يكفـنـه الحـارثـيـات
|
|
قلـت الذويبـي عزوتـه يمدحـونـه
قالت سمعنـا بـه ونسمـع لحونـه
|
|
مـن دون قاصـر فيـه ولا مهونـه
حلفـت مانضـوي قرايـا الذويبـات
|
|
قلت ارضهم فيها هضـاب الغميمـي
اللى رعى في عشبهـا كـل ريمـي
|
|
قالـت تعلـم لـك غـزال غشيمـي
عاش بجبـل لبنـان بيـن الجنينـات
|
|
قلت اخبر النا صاحب فـب المطافـي
في الروضه الى دون ربع المصافـي
|
|
عبدالله اللى قلبـه ابيـض وصافـي
قالت عرفنا الفضـه مـن الجنيهـات
|
|
قلـت الحقيقـه مابغيـت انتـفـارق
حلفـت يابعـد ان حضنـك تصافـق
|
|
لا عطيك بن شلاح لـن كـان وافـق
نبي نصل جده بعـد خمـس لحضـات
|
|
قالت يبـو سلطـان كـب المطيـري
خله يدور لـه مـن البيـض غيـري
|
|
قلـت التـوي يالخاينـه بالشجـاري
وابكي وانا اضحك راحت علومك افوات
|
|
ليتك كما ماغابـت الشمـس غبتـي
اتعبتـي بـن تويـم ونتـي تعبـتـي
|
|
حلفـت مانعطيـك غيـر الجبـرتـي
عيشي معه رغم علـى كـل شمـات
|
|
قالـت بليتـونـي بـعـود مقـفـي
مانـي بـلا شفـه ولاهـو بشفـي
|
|
تـراك لـن حطيـت كفـه بكـفـي
ابانتحر واموت مـن جيـز الامـوات
|
|
قلت الله يسهـل للـك بسـم ساعـه
ياكامـل الاوصـاف وش ذا الدلاعـه
|
|
توعتنـي وان كـان مانـي متاعـه
قالت نبـي حـل القضيـه بالاثبـات
|
|
لاعـاد يامحمـد مـن اجلـي تعنـي
ماريـد يابـن تويـم غيـر المهنـا
|
|
عسانـي اتريـح مـعـه واتهـنـا
وارمي همومي في بحـور الضلمـات
|
|
ثـم افرحتنـي حـيـن ماخبرتـنـي
ومـن الفـرح بعـد انهـا بشرتنـي
|
|
شكرتـهـا ماكـنـهـا عذبـتـنـي
وقلت ياروحـي تناسـي بمـا فـات
|
|
ياقايـد الغـزلان انـا اقـول طيـب
لندن عـن الطايـف بعيـد وقريـب
|
|
يالله تجيـنـا بالصـديـق المغـيـب
يـارب الارض الطاهـره والسمـوات
|
|
نبـي لنـا يانـاس حفلـه كبـيـره
جيبو لنـا سلـوى وجيبـو خديجـه
|
|
ودقو طبول العرس فـي ذا الجزيـره
مبروك يابنـت مـن احلـى البنيـات
|
|
ابـو فهـد عـاقـل وتستاهليـنـه
وان كـان فـي ماضيـك ماتعرفينـه
|
|
سبحان مـن سخـرك لـه تعشقينـه
يـاام الثمـان البيـض وام الشفيـات
|
|
تمتعـو واللـيـل خـلـوه ليلـيـن
وشهر العسل يازين خلـوه شهريـن
|
|
يالله لا فرقـت مابـيـن الااثنـيـن
ياللى جمعت الشمل في سبع ساعـات
|
|
ياهـل العقـول الراسيـات الثـقـال
هذي طريقة حلمي اللـى جـرى لـي
|
|
ميـر اسمحولـي ياثقـات الـرجـال
لن كان في بعض المعانـي مطبـات
|
|
تمت وصلي الله علـى كامـل النـور
اعـداد مامـن حـي يحـج ويـزور
|
|
واعـداد ماخطـن الاقـلام بسطـور
واعداد من يقرا الصحـف والمجـلات
|
|
|
