هذا السنه كل رعيان المواشي عود من عـود يمشون في روسها من صبح والديـرة خليـة

ولابقي من شباب البدو فـي الديـرة ولا رود البنت في المدرسة والأبـن راح  العسكريـة

والريف راحوا هله ثم اندثر ماعنـه منشـود بين الغروس السلم والطلح جاين لـه  نميـة

وجدودهم كانوا من دون الوطن ضباط  وجنود وكلاً يعايـن متـى تأخـذ مواشيـه الغزيـة

والجهل والفقر فيهم والمرض لاشك موجـود لكن غطـوا علـى الموقـف بعـزومٍ قويـة

والأكل والشرب من بلدانهم والقـول بشهـود واليا نقص شئ تكميلـه علـى رب  البريـة

واليوم عم الأمن والخير في الأوطان بالـزود والشرع يحكم على المجرم ومن سوى جنيـة

ومواصلات وتعليـم وعـلاج وكـل مجهـود مبذول من عند ربـي ثـم دولتنـا الصخيـة

وأهل البساتين خلوها عليها البـاب  مـردود الجم في أبارهـا وغروسهـا باتـت  ظميـة

والدولة تمدهم بشبـوك والطلمبـات  ونقـود وتمنحهـم الأرض وتنفـذ مشاريـع  ظفيـه

أعلاف للماشية من كل نوع وبنـك مرصـود وتقول لأهل البلاد أحيوا وعيشوا في  سويـة

نلوم من راح عن ملكه وهو ما هو  بمحـدود يبغي المكاسب ورأس المال رايح في  نحيـة

اللي كتب عامل وعيشه يجي بالكود  بالكـود على المصاريف زاد الزود والمسكـن  كريـة

واللي بعد ساق تكسي ولا معه من عيشته فود دوبه يضوي عشاه وشيشتـه ذيـك العشيـة

كله عشان الكهارب والزفلت العفش  مشـدود ومع الأسف صار رب العائلـة بأمـر الوليـة

إلى العمل قد دعانا المصطفى في قول ماكـود ذكر يداً حبهـا الله عندمـا خامـس  خويـه

الواجب أنا نكون لشعبنا جنحـان  وعضـود نبني وطنا كما بنى العسـل جـوف  الخليـة

ياكيف تحيا شعوبٌ وأهلها عميـان  ورقـود يشرون ما ياكلـون مـن الديـار  الأجنبيـة

ياموصل العلم لبن (سعيد) جعل ايامه أسعـود أشرف على ماذكرت وشوف رأيك في القضية

...  قصيدة للشاعر/ عبدالملك بن غازي المنصوري الثبيتي ...