|
اليوم جانـي كـلامٌ فيـه تحليـلات وبنـود
من شاعر حثته بعـض الهجـوس الداخليـة
|
|
صاغ القوافي على طرق الجبل ماهو بمحدود
واختار راعي الغنم عنـوان والنيـه خفيـة
|
|
أما ذكر ماضي الأيـام يـوم الحبـل ممـدود
وأما تأثـر ببعـض النـاس والذمـه بريـة
|
|
ولا وش إلى طر اله يذكر الرعيـان ويعـود
للماضي اللي نسيه القلب يطـرى بـه عليـه
|
|
الناس فيما مضى ياصاحبـي نـارٌ وبـارود
تولـع النـار فيمـا بينهـم لاتفـه دعـيـة
|
|
واليوم خيم عليهم بالسعادة عهـد آل سعـود
الخيـر والأمـن والتعليـم والعيشـه هنيـة
|
|
العلم أنار القلوب اللي قبل هذا العصر سـود
حتى أنها ميزت بين الصواب مـن الخطيـة
|
|
ولآمن خلي القبائل تشترك في عـد مـارود
تشرب على الحب والتقديـر دون العنصريـة
|
|
والشرع نور للأمة دربها اللي كـان مسـدود
والعـادة الطيبـة حلـت محـل الجاهلـيـة
|
|
والدولة تسير بخطاها الحثيثه دايـم أصعـود
في راحة الشعب ترسم كل خطـة جوهريـة
|
|
وإن كان سألوك سكان القرى عن شئ مفقود
الكهربه والسفلـت أيضـاً وخدمـة هاتفيـة
|
|
قل سيروا في ربوع المملكة في خبوت ونجود
تلقون فيها التقـدم يفـرح العيـن الشقيـة
|
|
وإن كان تقصد قرايا بني سعد مايقصر الجود
عنها الأخلاص أنار قلـوب دولتنـا السنيـة
|
|
خمسين كيلو مربع مثل من حزمه بقى عـود
إذا بغيت اكسـره ماضنتـي يصعـب عليـه
|
|
هذا مثل والأمل في محتمين الشعـب معقـود
والراعي المخلص يحافظ على مجـد الرعيـة
|
|
والهجرة من القرى نحوالمدن في وقت محدود
وتعـود بعـد اكتمـال الخطـة المستقبليـة
|
|
والشعب مبسوط ماحطوا عليه أغلال وقيـود
يعيش باجمل حيـاة تعيشهـا كـل البريـة
|
|
والمدرسة للفتاة لها علـى الأجيـال مـردود
فالتربيـة والأدب والواجـبـات المنزلـيـة
|
|
وأما الشباب الطموح لدولته ماهـو بمحمـود
إذا التحق بالحـرس والجيـش ولا الداخليـة
|
|
خدمة وطنا علينا فـرض والخـلاق معبـود
وأرواحنا للوطن والشعـب نكتبهـا ضحيـه
|
|
هذا جوابي على (عبدالملك) والـدرب ممـدود
حسب اعتقـادي وفكـرى والهديـة بالهديـة
|
