|
حي الكلام اللي له القلـب مينـاس
من شاعر لقي الفـرص وأغتنمهـا
|
|
لابـاس يابـداع الأمثـال لابـاس
اللي من عقـود الجواهـر نظمهـا
|
|
الكيف كيف المعرفة والوفا سـاس
ترسي عليه وجودها مـن عدمهـا
|
|
والهرج فيه جبور وأرباع وأنصاص
وأشكر من أبدى قالـة واحترمهـا
|
|
وبعض الرجال رقابهم مثل الأقواس
وقلوبهم غاطـي عليهـا شحمهـا
|
|
وقت الرخاء رجالهم يمرس أمراس
وقت العسر تنشف عروقـه بدمهـا
|
|
ذكرتنـي يـالافـي عـلـوم دراس
لـو قلتهـا لمغـفـل مافهمـهـا
|
|
وبعض الرجال فحول أناثي وحراس
جملـة جهاهيـلٍ تـردد غنمـهـا
|
|
وبعض الشيوخ سطور حبر بقرطاس
اليا بـدا الـلازم تضيـع خصمهـا
|
|
وبعض القبائل للأسف طرف وأكياس
حشو الوسايد مـن يبيهـا ردمهـا
|
|
واليوم ماج البحـر ياكـل غطـاس
حول الرجال اللـي تعـزز شيمهـا
|
|
السم والسكر علـى شفـة الكـاس
واشياءٌ كثيرة ما يحسـون ألمهـا
|
|
لباسهم معـدن وقصديـر ونحـاس
براقه أغرتهـم وأضاعـت قيمهـا
|
|
وختامها أغلى من تماثيل الألمـاس
للي بعث لـه اجابـةً مـا ختمهـا
|
|
|
