...  رد الشــــــاعر/ الـذويـبـي عـلــى فيــصل بـن الفـــعر 

يامرحبـا بمولـف الـقـاف ولاف ترحيب من يبدي جزيـل  احترامـه

والمعذرة غيرة من صيغـة القـاف لاضيق عرف ولا دوافـع غشامـه

لكن حـرف البـا جعلنـاه ميقـاف لأربع قصايد حطـت البـا  علامـه

والقصد في المعنى وحسن التعـراف وزن الكـلام ورقتـه  وانتظـامـه

وأظن مـا فيمـا تعمدتـه  خـلاف وما يلحق الشاعر عليهـا  ملامـه

وأعود لإجابـة زميلـي بالإنصـاف واستعرض اللي يذكره فـي كلامـه

ياصاحبي ياما طرالي من  أوصـاف لكـن تحجبهـا علـى  الغمـامـه

ما ودنا نبدي شفـا كـل شفشـاف لحيث مـا بعـد الشفـا  الاتهامـه

فامثالنا كم قالوا الصيـف  صـواف ومن يزرع التنكيـد يحصـد ندامـه

والمجلس اللي ما يجي فيه  عـراف يسقط من قلوب الرجـال اهتمامـه

فيما مضى النجده على فرق الاخفاف تركض بفرسانٍ تخـوض الجهامـه

فوق المهار السرد روحه ومنكـاف تخفـق براكبهـا خفـوق النعامـه

ولا علـى حـرٍ تـولاه  عـسـاف تشبه لعـود الخيزرانـه  عضامـه

اليا انطلق مثل الطلق يهرف  اهراف تلابس الفـارس عصـى المسامـه

واليومه النجده على متن الإسعـاف ومجهـز بمتطلـبـات  السـلامـه

أربـع ثوانـي حـددت  بالتلغـراف بيـن التلقـي للبـلاغ  ومقـامـه

ولا على اللي يطوي الجـو طـواف طـور نظـام الكمبيوتـر نظـامـه

يوجه فـي ظلمـة الليـل  كشـاف وينزل على ابن البادي فـي خيامـه

تغيـرات الوقـت ماجتنـا اجـزاف ولا هي بحلم لمن غرق في منامـه

التقنيـه والعقـل والعلـم تنضـاف مع بعضها وتكـون أرفـع دعامـه

في دولةٍ رفرف بها العـز رفـراف في ظل من تحمى المعـزة  مقامـه

سدنـا وعلينـا وحققنـا الأهـداف بسلامنـا وإيمانـنـا والشهـامـه

من يمشي دروب الرديـات ينعـاف ينحد عـن دربـه ونكـره  ليامـه

راعي الردى منبوذ في كل  الأعراف وينهار كبره لو يطـول  اعتصامـه

نسمو بأصالتنا على كل  الأوصـاف وبين الأمم نرفع شعـار  الزعامـه

نرفع علمنا في حجا كـل مشـراف من شاعرٍ رمز الوفا فـي سلامـه

تحيه أرسمها علـى كـل محـراف في مبتدا سـرد القصيـدة وختامـه