|
|
|
بديت بسم إلـي رفيعآ(ن)مقامـه
الله خلقنـا والمخاليـق تخـشـاه
|
|
الطيب طيب إلـي منـزه كلامـه
حكيم وافي والريـا جيـل تنصـاه
|
|
أهل ألوفا وأهل الكرم والشهامـه
الكل منهم تسبـق الجـود يمنـاه
|
|
وفي حلالهم تسمع علوم القرامـه
ماهي سوالف تايهن مـا فهمنـاه
|
|
ودلال بـن ادور حـب وكـرامـة
والعود الزرق بينهـم مـا فقدنـاه
|
|
والمشيخة فوق الثلاثـة استقامـه
الوله راسآ(ن)مع الوقت مقسـاه
|
|
والثانية صحنـن يواصـل دوامـه
والثالثة مابيـن ربعـه مواسـاه
|
|
ابن الذويبي مـا كتبهـا غشامـه
شاعر كتب شعره ويفخر بمعنـاه
|
|
والمعرفة ماهي بنطـل العمامـه
ولاهي شراب الماء متى ما شربناه
|
|
المعرفـة عـز الفتـى وحترامـه
عقلـن ينـوره العـدل لأعدمنـاه
|
|
وإلا المنافق والـردي والهلامـه
دربآ(ن)يوصلنا جهتهـم قطعنـاه
|
|
منزالنـا معهـم طوينـا خيامـه
وبقلوبنا حـب الحصـون ألمبنـاه
|
|
وختامهـا يالله منـك السـلامـه
تغفر لنا في وقتنا إلـي مضينـاه
|
|
|
