|
هيض عليه وانا فالطايـره ماشـي
مدري مشـرق بهـا والا مغربهـا
|
|
واريت زولٍ عـن الازوال ينحاشـي
ومرار يقرب من الركـاب يحسبهـا
|
|
بو وجنةٍ تكتسي بهـداب الارماشـي
والموت سهمين في ملقى حواجبهـا
|
|
يابنت ويش اسم ابوك وين هو ناشي
والناس ما تعرف الا مـن مناسبهـا
|
|
نسّيتنا فالسفـر ياظبـي الاوراشـي
اتمرنا ماش احـد فالنـاس يعجبهـا
|
|
لكن من شاف زولك يقفـي بلاشـي
ولاني على شوفت الشيّاب غاصبهـا
|
|
إثني شبابك على غمرٍ كما الحاشـي
اللي ليا صنّفـت عضّـت غواربهـا
|
|
إن كان روميةٍ لـو جتنـي بلاشـي
وإن كان تركيـةٍ فالقلـب يرغبهـا
|
|
الروم مانشتهي مذهبهـم اللاشـي
ماهـو بغالـي ولا نغلـي جلايبهـا
|
|
والترك مربى الجمال وحمر الاوباشي
عربين الانساب والاسـلام مذهبهـا
|
|
اتبع لساني وانشط من معي ماشـي
والا دروب الهوى قلبـي محاربهـا
|
|
|
