|
|
|
يا شجرة النعنـاع عاشـق ومفتـون
شوقي لريحـك مـع نسيـم العوالـي
|
|
والناس قالـوا هـون الأمـر ويهـون
قلت الهـوى يخلـف مـزاج الرجالـي
|
|
وانأ هواي منـزه العـرض مصيـون
ومن دون شوفه صورته فـي خيالـي
|
|
والنـاس مثلـي يعشقـون ويحبـون
وانأ اعشـق الحـب النزيـه المثالـي
|
|
يا ليتهم عن حرقـة الشـوق يـدرون
ويجري لعشاق الهوى مـا جـر إلـي
|
|
عهـدي بخلـي والخلايـق يصـلـون
وقت العشاء المفروض بحـدى أليالـي
|
|
قبل اربـع ميـة يـوم منمـا يعـدون
حاسـب عددهـا بالوفـا والكمـالـي
|
|
ومن بعدها ازهـم واتصـل مايـردون
الصوت مأمن صوت والجـوى خالـي
|
|
ماهـي بعادتهـم عـلـي ايتغـلـون
وان جيت أبنشد مـا حصلـي مجالـي
|
|
وصارت تهز أفكاري أشكوك و أضنون
انشد عنه واسـأل وهـو مـا يسألـي
|
|
وانأ اعرف إن العشق ماهو بمضمـون
بالرغـم مـن قربـه بعيـد المنالـي
|
|
العشق خـلا قيـس هايـم ومجنـون
وانا احسـب إلـي مضالـه مضالـي
|
|
العشق بحرٍ (ن) فيه غيري يغوا صون
ولا عيب أصحـاب السمـؤ والمعالـي
|
|
عليـه حمـران ألنـواظـر يحـنـون
وكلآ(ن)بنار الشـوق يصـلاه صالـي
|
|
يحيون مـن شانـه ولجلـه يموتـون
والأولـيـن أيخـبـرون الـتـوالـي
|
|
وين السبيل وش حصـل لبـن لعبـون
وابـن ربيعـه وأبـو زيـد الهلالـي
|
|
والو ما استحيت امن الزلامي وبن عون
كتبـت عـن عشقـي بـدم الغزالـي
|
|
عشقآ(ن)عليه أهل الهوى ما ينامـون
وإذا ابتعـد شـدوا إلـيـه ألرحـالـي
|
|
يألي علـى الحيـان عشقـي تمـرون
قولوا لـه إنـي عنـه مأنـي بسالـي
|
|
تصرفـوا ونتـم عليـه تمـوا نـون
مالـي علـى بعـد العزيـز احتمالـي
|
|
إن كان حصلتوه شاكـر ومـا منـون
وان كان ما شفتـوه يـا عزتـا لـي
|
|
هـذي وصايـا والخلايـق يـوصـون
والحـمـد الله لا علـيـه ولا إلــي
|
|
|
