|
|
|
الله ياصبرنـي علـى الخـوف والبعـد
البعـد يامـا بعـد والخـوف خـايـف
|
|
اذا انقطـع وصـل المحبيـن وش بعـد
وش بعد مـن فرقـا القلـوب الولايـف
|
|
ياما قلوبآ(ن) تشتكـي لوعـة الوجـد
وتكبـدت حــر الـنـوا والكـلايـف
|
|
تصبر علـى الحـر وتذمرمـن البـرد
لاضـل ياقاهـا ولا الـهـا لحـايـف
|
|
على وليفآ(ن)عندي احـلا مـن الشهـد
ريقـه متـى مـاذاب بيـن الشفايـف
|
|
لابالحجـاز ولا سكـن فـي ربـا نجـد
يقلـون مابيـن العـطـا والعـرايـف
|
|
بيني وبينـه عهـد وانـا علـى العهـد
لاكـن عهـدٍ(ن) دونـه البعـد زايـف
|
|
اليـا وفـا بالعهـد يالله لـك الحـمـد
وان خان مـا ابهـل الخيانـه حسايـف
|
|
لولا الزهر بالـورد وش حاجـة الـورد
يحداك عنـه الشـوك وتعـود عايـف
|
|
واليا صفا احلى من صفا الماء على الكبد
اللـون كايـف والانسـايـم لطـايـف
|
|
انـا زبـون الحـرد ياعاشـق الحـرد
من بعد ابـو ضيـف الله الكـل شايـف
|
|
ياما علـى شانـه تلاقواعلـى السـرد
سـرد المهـار امشكـلات الوصايـف
|
|
ياما عنـت للمعركـة ورجعـت جـرد
حنـت غواربهـا السيـوف الرهايـف
|
|
غريزةٍ(ن)فينـا مـن المـهـد للـحـد
وتعلمـوا منهـا جـمـوع وطـوايـف
|
|
اجيـال فـي تاريخهـا العـز والمجـد
واجيـال ماتـت والحمايـل خفـايـف
|
|
والناس فيهم من تربـا علـى الحسـد
ولالهـم غـيـر النمـايـم وضـايـف
|
|
ياصاحب الـذوق الرفيـع ابـذل الجهـد
فيمـا يجنبـك الــدروب الضعـايـف
|
|
ولاكل رايآ(ن) منحـرف تاخـذه عمـد
ولا تلتـفـت لملقطـيـن الطهـايـف
|
|
يالله عسى اهل الطيب في جنـة الخلـد
ودعولهـم مـا طـاف بالبيـت طايـف
|
|
|
