|
|
|
باسم رب الكـون خـلاق الأنـام
خالق العالم فصيلآ(ن)من فصيـل
|
|
واحدآ(ن)منل لاذ باسمة مايضـام
هوجمعنا في هذا لليـل الفضيـل
|
|
لضيوف ازكى التحيـة والسـلام
وللقبيلـة عـد همـال المخـيـل
|
|
روس الاد اصوط الأمجاد الكـرام
شمس جود وطيب عودوريح هيـل
|
|
تنشره فـوق الصحـاري ولأكـام
ذروة عتيبـه مذريـن الدخـيـل
|
|
الكرم يشهدلهـم شرقآ(ن)وشـام
ومن جنوب وغرب ما مثلة مثيـل
|
|
الكـرم بالفعـل ماهـو بالكـلام
عند قومآ(ن)ماخلق فيهـم بخيـل
|
|
الشهامـة والوفـاء والالتـحـام
التحام الصـف و الحـق النبيـل
|
|
لاابتآ(ن)يامـا يثيـر الاهتـمـام
اهتمامآ(ن)مايعـرف المستحـيـل
|
|
والدليـل يترجمـة هـذا المقـام
رمز للتكريم جيلآ(ن) بعـد جيـل
|
|
الرموز اللي الهـم الحفلـة تقـام
لا لشـى الالـجـل رد الجمـيـل
|
|
ياعزاتـى يامـرويـن السـهـام
ماعلى شيخ القبيلـة مـن سبيـل
|
|
منصبآ(ن)يارقالـه الحرالشـمـام
حين يقوى السيل ويضيق المسيل
|
|
والرجال اجمال والشيـخ الخطـام
والخطام يوجـه الحـر الاصيـل
|
|
والشهيد المخلص الحـر الهمـام
كرمه دمآ(ن)مع الواجـب يسيـل
|
|
والقى المنظور فـي دار السـلام
من قتل دون الوطن ماهـو قتيـل
|
|
وفق توجيه الامـام ابـن الامـام
والنظام اللـى عليـه الله وكيـل
|
|
وشاعرآ(ن)من كرم اسمة مايـلام
الاصل معروف والماقـف جليـل
|
|
كم وقف في صف ربعه واستقـام
موقفآ(ن)ينصف عميلآ(ن)من عميل
|
|
عد صافي ترتـوي منـه الحيـام
حين تصلا الشمس نضاح الصميل
|
|
شاعرآ(ن) شعره على صدره وسام
يرفـع الهامـات ويـرد الشليـل
|
|
والكرم للحـي امـام النـاس لام
يفتخربـه ميتآ(ن)تحـت النثيـل
|
|
والوفاء ما يختفي تحـت الركـام
مستحيـل يغيـب عنـا مستحيـل
|
|
وشعرنا ما جاء بتصويت العـوام
والشراء والبيع والعرض الهزيـل
|
|
ولاترفدنـا الثكـالـى والأيـتـام
لجل نرفع شاعرآ(ن)ماله حصيـل
|
|
شعرنـا جـاء بـالأدب والاتـزام
التزامآ(ن)يجهلـه عقـل الهبيـل
|
|
كـان جـارالله وكـان الاحتكـام
لـلادب للعـرف للـوزن الثقيـل
|
|
عاش مع ربعه على احسن ما يرام
وخطوة الخيال عن خمسين ميـل
|
|
وان نشدتونا نشئنـا فـي ويـام
بيـن نورالعلـم والفـي الضليـل
|
|
نخدم الاوطان في حـرب وسـلام
منهجآ(ن) مانبتغى غيـره بديـل
|
|
ماصبغنا الشعر بالمـاء والرخـام
ولامشينابه على الـدرب الرذيـل
|
|
ولاهبطنابـه لـسـوق الاتـهـام
ولاختلـط طيبـة بدخـان الفتيـل
|
|
رفقتآ(ن)زادة على خمسيـن عـام
لاخلل فكـري ولا وصفآ(ن)ذليـل
|
|
الشهامـة والوفـاء والانسجـام
حـي هالرفقـة وحـى الزمـيـل
|
|
شامخ الهامة عريـض الابتسـام
لا يميـل ولا يحـب اللـي يميـل
|
|
يازن الخصمة ليا اشتـد الخصـام
لاضعيـف ولاصخيـف ولاكليـل
|
|
يحنمي صفة الى جـات للزعـام
بالرمـوز الواقعـيـة والدلـيـل
|
|
واتجـه باسـم القبيلـة للامـام
وانثرة فوق المحيـط المستطيـل
|
|
من صفاتـه مـا يحـب الانتقـام
ولويميل الخصم طبعه مـا يميـل
|
|
شاعرآ(ن)قسمة من الطيب السنام
فوق هامات الادب يصهل صهيـل
|
|
ماتدرق في الرمـال مثـل النعـام
ولاشغل فكرة هوى الطرف الكحيل
|
|
ان تجـلا للدجـى جـلا العسـام
وامتع الحضار بالجـوى العليـل
|
|
في حروف البدع تفصيل العضـام
وفي ثنايا الـرد لـذع الجنزبيـل
|
|
شاعرآ(ن)شعره كما حد الحسـام
الشجاع يشيـل والخايـف يحيـل
|
|
وان تكلم عـن جنينـات الغـرام
في كلامـة لـذة اثمـار النخيـل
|
|
ترتعد من صوته اسـراب الحمـام
ناعم الاجسـام مبحـوح الهديـل
|
|
حر من فوق السحب رفرف وحام
يعشق الطولات والصيـد الجزيـل
|
|
في بحور الشعر يامـا ابحروعـام
وصارع الامواج والهـول المهيـل
|
|
والقبيلـة درع والشاعـر حـزام
يحتزمبه كـل راسآ(ن)فيـه حيـل
|
|
من قبل تبنى على الصحراء الخيام
الوفـا ملـة ابراهيـم الخلـيـل
|
|
للكرم عند العرب شـرع ونظـام
يكـرم الـرواد قـدام الرحـيـل
|
|
ومـن تقـدم للمهمـات الجسـام
دون ربه والصفوف الهـا صليـل
|
|
فوق هامات النجوم اصبـح وقـام
والنجوم ارجـوم واولهـا سهيـل
|
|
نكرمة ونحشمـة بيـن الحشـام
والحسد والحقـد مايشفـي غليـل
|
|
وان تركنا النـوم بعيـون النيـام
صارت الايام طول الوقـت لليـل
|
|
صفنـا بالعـز مافيـه انقـسـام
والولاوالحـب بالرفعـه كفـيـل
|
|
ارتفعنـا بـالادب فـوق الغمـام
وارضنا جنـه وماهـا سلسبيـل
|
|
واشرق التاريخ وانـزال الظـلام
وغطرفت بالعز ناشـرات الجديـل
|
|
امنـا حـق ازمـلاي الاحـتـرام
ماتنازل عـن وفـاه ولااستقيـل
|
|
ياعسى من مـات منهـم لرحـام
والبقى للحـي والعمـر الطويـل
|
|
والحياة ان كانت المـاء والطعـام
يستلمها مـا علـى ماهـا نزيـل
|
|
اما انا حلقت مـن فـوق الزحـام
وانتقيت اللي العسل منهـا يسيـل
|
|
واحـد وسبعيـن بيتآ(ن)بالتمـام
في مسيرة شاعرآ(ن)وصفه قليـل
|
|
الكـرم يستاهلـه عالـى المقـام
واللثناء والمدح للصـف الاصيـل
|
|
صف الاد اصواط الاكجاد الكـرام
روس ربعي سلة السيف الصقيـل
|
|
الفتى منهـم قبـل سـن الفطـام
عشقته طيـب وفروسيـة وخيـل
|
|
والكرم يشهدلهـم شرقآ(ن)وشـام
ومن جنوب وغرب مافيهم بخيـل
|
|
في حمى الدوله وضل اشرف امام
ابو متعب ياعسى عمـرة طويـل
|
|
في شموخ ابلادنـا بـرد وسـلام
وفي سمواخلاقنـا ضلآ(ن)ظليـل
|
|
وان بقي لي كلمتآ(ن) قبل الختـام
بيـض الله وجـه رواد الجميـل
|
|
روس الاد اصواط الأمجاد الكـرام
كاسبين المجدجيلآ(ن)بعـد جيـل
|
|
|
