على الهون يا نفس (ن) هواها عذابها تحاول تخلـص مـن شـرآ  لجابهـا

هوها سرى مسرى الدما في عروقهـا لكنه بـدا(ن) لا دوى منـه  اصابهـا

ترى ما هواها حب ملهوفـة  الحشـا هنوفآ بعـود الـراك تجـلا  عذابهـا

ولاهوهوى من عطرالـراك  جسمهـا ولوتجـدل الـورد ابثنايـا عضابهـا

هوالنفس يا جاهل بما يشمل  الهـوى مخافة من اجرى رزقها واعتنى  بهـا

هواها على درب الشرف مـا يعيبهـا لكنـه اذا جنـب تعـثـر  وعابـهـا

وهواها على درب المـروات والشيـم يقـوي عزيمتهـا ويرفـع عتابـهـا

وهواها على درب الردى يفرح  العدى ويرخي مها بتها ويلـوث جنـا بهـا

هوالنفس نشرالعلم في كـل نـا حيـه لحيث الامم مـا تذكـر الابـا  دابهـا

ولاخـلاق الللامـه حجاهـا وعزهـا معزة وما من شعب الا اعتلـى  بهـا

وهوالنفس نبذ اهل النمايـم  وهجـره =فلا تقبل النمـه ولا مـن  وشابهـا

وهوالنفس عـن دارتهينـك رحيلهـا لو الورد وازهـاره تغطـي  شعابهـا

اذا ما جرح رجلك من الشوك جارحـه من المحتمل تغفـل ويلدغـك  دابهـا

وهوالنفس يا جاهل بما يشمل الهـوى معـزة قرايبهـا وحشمـة اصحابهـا

وهوالنفس يا جاهل بما يشمل الهـوى مقابل ضيـوف الله وقيلـت  هلابهـا

على السنه الى سنها صفـوة البشـر ونحـن نطبـق سنتـه مـن كتابهـا

لحيث البشاشة ذروة الجـود والكـرم ومن بعدها اللـى يقسـم الله  جابهـا

وهوالنفس عز الجار عن كل نا  قصة امان وحمى عن هفـوة مـا درابهـا

يحافظ على جاره من الخـوف والاذى وتحيـا بقربـه جارتـه مستغابـهـا

وهوالنفس ممشاها مع اللـى  يعزهـا وترك الدروب اللـى تكـدر شرابهـا

ترى الناس غير الناس والنفس غالية اذا أرخصتها ياصاحبـي وش تبابهـا

وترى الناس مداحة لمن طاب  فالهـم كمـا يقـول الشاعـر الـى حكابهـا

وترى الناس شماته لمن عضة  الدهر على قصته تطرب وتشعـب  ركابهـا

وهوالنفس للى يعشق المجـد والثنـا تعلـى بهـا شـم الجبـال  ورقابهـا

رفعها عن ادروب الرذايـل  وعزهـا ورفرف علمها فوق اعالـى هضابهـا

ترونه هوى نفس الكريـم  وطبايعـه خلق حين ما خلقت وشـب ونشابهـا

ومن الصعب تغيـر الطبايـع وردهـا عن العاده الى فـي حياتـه  حيابهـا

حيـاة علـى الوفـا تـرث  الجـفـا لون الجمال اتعيـش عوجـآ رقابهـا

مثلهـا جبـال خيـم الغيـم فوقـهـا وسرعان ما ماينحال عنهـا ضبابهـا

وحياة على الادناس وش ينبغي  بهـا لو اعجبك منضرها وزينـة  شبابهـا

كما الحنضلـه لاشـك مـر  مذاقهـا لوانحـل مـا الزعفـران  وسقابهـا

واليـام لـو مهـل صفاهـا  وودهـا سريعآ على مـر الزمـان  انقلاابهـا

انتابـع حلاوتهـا وننسـى  مرارهـا وتجينا وحنـا مـا حسبنـا حسابهـا

مراحل مع الدنيـا العجيبـه  نعيشهـا على وسـع ماقـط ضاقـت رحابهـا

تجامل مع الجاهـل وتضحـك بسنهـا فلاينتـبـه الااذا احــس ابنابـهـا

متى يصلح الماضي بعد فات وان تهى وهو واقع ابضايقة مـا هقـى  ابهـا

ترى هذى الايـام يـا جاهـلآ  بهـا تغر الغشيـم اللـى يتابـع  سرابهـا

اقوله وانـا اللـى عذبتنـي  بهمهـا وهنيـآ لنفـس لا عليهـا ولا  ابهـا

تحملت مـن هـم الليالـي وجورهـا وحولت اقفل عن هوى الريح با بهـا

لكن الليالي طبعهـا الليـن  والقسـى تستر مرار وامـرار تكشـف ثيابهـا

اذا مقبلـت خضـرا تغـرد طيورهـا واذا اقفت وهي غبرآ تعاوت  ذيابهـا

تعمـد حلاحيـل الرجـال  وتزيحهـم عن الدرب ساعة ما يحيـن  ذهابهـا

رجال بكل ارض تسامـت  شموسهـا وغابـت بعـد مـا قـدرالله غيابهـا

تعلوا على التاريخ حتـى شهـد لهـم وسطع نورهم فـي ليلـة لا ضيالهـا

سقى الله مضا جعهم بوسميـة الحيـا مخايل خريـف دوم تنشـر سحابهـا

يغطي نبات العشب الاخضر  قبورهـم على شان لاتمحى الهبايـب  ترابهـا

تذكرت ما ضيهم وهـزت  مشاعـري ورفعت عن ابواب الهواجس حجابهـا

وحولت اصور ما يـدور ابهواجسـي لون الهواجس مـا تصـرح  بمابهـا

اشارة لمن عاشوعلى العز والشـرف بهماتهـم تبقـى الامـور ابنصابهـا

اتعيش ابحياة العز في ضـل  عزهـم على الراية اللى كـل طامـع يهابهـا

اخاطب مشاهيـر الرجـال  ابقصتـي ولـو مايـردون اتخـيـل جوابـهـا

تعرضـت للنقـد وتعرضـت للعجـب ولـو عاتبونـي اتقـبـل  عتابـهـا

يبوح الفيافـي كـل فـارس بخبرتـة ويعـرف مراحـل بعدهـا واقترابهـا

ويصبر على الزلاات من طبعة  الوفـا وتمـر الحـوادث ماتهـزه صعابهـا

ويعمل على بذل الفضايـل  وزرعهـا من اراد مـن رب الخلايـق ثوابهـا

ويعيش الكريم ابعز لو حسـه العسـر ويجد من يحبه فـي دار مشـى بهـا

ويعيش البخيل ابحالة البوس  والردى بنفس دنيه للحضيض ارتخـى  ابهـا

وترى البخيل عاده يكره الشعر  ذكرها من الافضل الغاء ذكرهـا  واجتنابهـا

وهوالنفس ممشاها على الحق  والتقى لحيث الظلايم خاسـرآ مـن ادعابهـا

وترى العدل يرفع منزل العـز  للعـلا وترى الظلم يجلب للمبانـي  عيابهـا

اقوله بحكـم الخبـرة الـى قضيتهـا سنيـن مضـت واميتهـا والرجابهـا

لعلى بما ضيهـا تذكـرت  حاضـري وميزت غـث اعمالنـا مـن طيابهـا

وتنهى خواتمها صـلاة علـى النبـي عدد من همل من غر النواء سحابهـا