هاضت هواجيسي بزيـن  التماثيـل واخترت ما يقضي الغرض من جملها

في ليلةُ تأخذ سناهـا مـن أسهيـل وبعض النجوم اللي يصلنـا شعلهـا

غاب القمر عنها بعد مانتهى  الليـل والصمت من بعض الضجيج  اقربلها

فيها سمعت امن الطبيعـة  مواويـل تشد و بها أغصان الشجر  وأتحملها

إن هبـت الهبـان غربيـه  أتميـل ون هبها الريـح الشمالـي عدلهـا

منها انبعث لحن الحـداة الرواحيـل لو يستمع لي قلـت عدهـا  وقلهـا

هذي خواطر شاعرآ منصـف  ليـل تطلب منـه وتجاوبـه ماسـا  لهـا

في مجتمعنا مكثـر القـال  والقيـل وان قلت كلمة حـق محـد اقتبلهـا

وان كان للإرشاد فعـلآ  وتحصيـل النفـس ملزومـة تحصـل عملهـا

فكـرت بـا يامـآ مقافـي مقابيـل وفي مرها اللي ما يعـادل  عسالهـا

ياما رجـال التعـدل العـوج تعديـل وياما رجال الوقـت جـار وخذلهـا

وياما رجال الذلـل الصعـب تذليـل ماتقبـل العـوجـا ولا  تحتملـهـا

واليوم من دون المقاصـد عراقيـل أتحطـم اعضـود الرجـال أبثقلهـا

أترومها روس الرجـال  الحلاحيـل واللاش تقصر خطوته مـا  يصلهـا

أيام فيها ألحصنـي يصـارع الفيـل فالغابـة إلـي مهـدوهـا لجلـهـا

يا للعجـب فيهـا ويـأل  التهاويـل ويأل الزمان اللـي يشجـع  مثلهـا

ماقلتها إلى بعـد شفـت  الغرابيـل وين الرجولة وين من ينسـب ألهـا

وين الشجاعة ويـن خيالـة الخيـل وين الشيوخ الـي يشـرف اصلهـا

بنوالنا مجـدآ تسامـا مـع أسهيـل وحلـو بمرتبـةُ مـحـد يطلعلـهـا

ومن المحيطات اصطفوا منبع النيـل ولبسـت لهـم كـل المدائـن حللها

وامن الأدب تزينـوا بجمـل آكليـن في مرتبـه محـدآ قبلهـم وصلهـا

شبابنـا يـا منتهـى كـل تـأويـل انتـم للامـه مـر تجئهـا وأملهـا

ما قلتها قصـدي سوالـف وتمثيـل القصد تشخيـص الرجـال  وفعلهـا

أجدودنا وصلوا إلى اعللا  المواصيل محاسبو الرضا الشعـوب  وزعلهـا

الشرق ادانلهم سنينـآ مطـا  ويـل والغرب لازال أكثره يرضـخ  ألهـا

واليوم عدنا فـي تراجـع  وتنزيـل نختار عن بعـض المعانـي  بدلهـا

بعد السيوف الجرد أخذنـا المناديـل برقابنـا يـأل الطبـاع  وفشلـهـا

وبعد الخناجر صار لبس  الخلاخيـل =واشيـا كثيـرة فالحـيـاة وعللها

لأكن لـولا انقـد ماصـار  تحليـل ولـولا اصراحـه مكتشفـنـا خللها

واهدي لربـات العيـون الكواحيـل يخشن من غـدر الزمـان وحيلهـا

يابنـت يالـي تعشقيـن الرجاجيـل كم بنت وصلهـا المهالـك  جهلهـا

اللي تزوج جاهلآ مـن هـذا لجيـل تكتب وصيتها علـى بـاب  أهلهـا