|
ياطير ياخفيـف الجنحـان
عنـدي رسالـة مسويهـا
|
|
مرت ليالي وأنـا سهـران
أبحث عـن اللـي يوديهـا
|
|
أرسل رسائل على العنوان
لكـن ضاعـت مساعيهـا
|
|
وحاولت أسافر مع الركبان
وأبلـغ النفـس أمانيـهـا
|
|
وأكتب ما يردد مع الأضعان
وأحرص عليهـا ووصيهـا
|
|
لكن راعي الهـوى تعبـان
واللـي بلاحـوال يكفيهـا
|
|
ماني بعاشق هوى الغزلان
والله ولا لي هـوى فيهـا
|
|
عشقي للأمجاد والشجعـان
أفرح ليا أوحيـت طاريهـا
|
|
أنظم بيوت الشعر طربـان
وأسمع صداهـا وأغنيهـا
|
|
ياطير عرج علـى عمـان
واليا بـدت لـك مبانيهـا
|
|
ميل شمـال لشفـا بـدران
وسلم على اللي سكن فيهـا
|
|
وسلم على نمر أبن عدوان
والناس تعـرف بساميهـا
|
|
في روضة نبتها الريحـان
والـورد والفـل كاسيهـا
|
|
قله هـذا شاعـر العتبـان
إلـك التحيـات يهديـهـا
|
|
ياشاعر الحضر والبـدوان
ذكـراك بالحـب نحييـهـا
|
|
أنته على أهل الشعر سلطان
وشبه الجزيـرة وهاليهـا
|
|
مرحوم يامكـرم الضيفـان
وترعى الركايب وتسقيهـا
|
|
وأشعارك الترجح الميـزان
والناس بالشـوق ترويهـا
|
|
إن مت ما ماتـت القيفـان
اللـي نــردد معانيـهـا
|
|
عذب القوافي بكل ألسـان
والـروح ترجـع لواليهـا
|
|
مع وافر الشكر والعرفـان
أنسلـم القـوس باريـهـا
|
|
مرحوم يا نمر بن عـدوان
وتعيـش داراً دفـن فيهـا
|
|
|
