يالله يامنـزل تـبـارك وياسـيـن أمـرك مقـدر والمقـدر  هـلابـه

اعوذ بإسمك من عيون  الشياطيـن ومـن لاذ بالله حصنـه  وإتقـابـه

يالله يافـارض صـلاة المصلـيـن ‍ تجعـل لربعـي دعـوة مستجابـة

ربعي عتيبـه مكرميـن  المجليـن ‍وشيوخهم رمـز الوفـا  والمهابـة

يامن خلقت أدم بعلمك مـن الطيـن ‍علمـاً تبنـاه الـقـدر واغتنـابـه

وفق لمن يسهر على نصرة  الديـن مافيـه دربـاً للهدى إلا  مشـابـه

شيخاً على صدقه شهود  وبراهيـن حقق لشعبه ما أعلنه فـي  خطابـه

فخر الملـوك مرجحيـن الموازيـن اللي على نهـج النبـي والصحابـة

عبدالعزيز بيـوم واحـد وخمسيـن وحـد وطنـا والجميـع  ارتضابـه

واليوم عبدالله على الراس  والعيـن ‍مافيـه مرقـى للعـلا إلا رقـابـه

على أيمنه سلطان أميـر  البليغيـن ‍رايه ليـا أوحـاه اللبيـب  اكتفابـه

عضود أبو متعب ملوك  وسلاطيـن يشهد لـه التاريـخ رسـم وكتابـه

تشهـد جاكرتـا وانقـره والفلبيـن ‍ واحداث سيرلانكـا وغـزه وطابـه

وما بالعراق وما حصل في  فلسطين ومـا قـدم للبنـان يلقـى  ثوابـه

واعطا شعوب أفريقيا كل شي زيـن وأصلح شعوبـاً فرقتهـا العصابـة

والمغرب عن الطيب ماهم بعيديـن ‍ يامـا تكفـل بـه ويامـا احتفابـه

واعطا لأروباء كل دعمـاً وتمكيـن ‍مما عطا البسنه شمـوخ  ونجابـه

شايل هموم الناس موتـى  وحييـن وما من مصاب إلا يخفـف مصابـه

وقال لشعوب أقصا آسيا  لاتخافيـن مافيـه داعـي للحـزن والكـأبـة

جاوه وباكستـان والهنـد والصيـن واحداث سونامـي وقسـوة عذابـه

ودول الخليج الست قلبـاً  وعينيـن ‍ في جسم واحـد مايلـوث  جنابـه

في الواجبات وفي الحقوق  متساوين ‍سيفاً تجلـت سلتـه مـع  نصابـه

عشنا سوا معهم على العسر  واللين النهـج واحـد والعوايـد تشـابـه

وقال اليمن وأهله علينـا عزيزيـن نشوفهـم بقلوبنـا أهـل وقـرابـه

لبلادنـا تهـوى نفـوس  المحبيـن ‍ولها القلوب اتذوب شوف  وصبابـه

واجب علينـا نصـرة  المستغيثيـن ‍والمسلم اللي مايخيـب الرجـا بـه

هـذي مزايـا ملحقيـن  المخليـن ‍إليا أختلط عـج الرمـك والضبابـه

شعباً عليه من الشجاعـة نياشيـن ‍في ظل أبو متعب ذار مـن  لجابـه

وقبيلة عتيبة على العهـد  ماضيـن أكبر قبيلة حجـم وأصـدق صلابـه

منزالهـا بيـن الجـدي والهلاليـن في موقعاً تحمـى جبالـه  شعابـه

مابين حرب وعزوة مطيـر ويميـن وبين السراة وبين شرقـي  غرابـه

وبين الدواسر والبقـوم والقحاطيـن وسبيـع والحـرث وكـلاً  بـدابـه

على الوفـا والاحتـرام  متصافيـن وكلاً عرف درب الهـدى  واهتدابـه

هذي قبايـل نجـد والكـل  داريـن من غيرها اللي شرب ماه ورعابـه

تعلـن ولاهـا للملـوك  المياميـن أشبال ابو تركـي وزهـرة  شبابـه

قادة وطنا فـي القدايـم  وهالحيـن والكـل منهـم نستـظـل بثيـابـه

مع دولتـاً فـي ظلهـا  مستقليـن تحكـم بشـرع الله وتطبـق كتابـه

عند العناد ترجع الصـاع  صاعيـن وعند الرضا ألطف من نسيم السحابه

بأشرف علم تزهاه نخلـة وسيفيـن ولفـظ الجلالـة شرفـة واعتلابـه

هـذي بـلاد الحرميـن الشريفيـن وهـذا ملكهـا وأمتـه وإنتسـابـه

أرضاً جعلها الله مـروج  وبساتيـن ‍ تشرب من ماه الي قراحـاً شرابـه

شعبـاً لميـلات الدهـر مستعديـن ‍وكلاً لمـا يعنـاه يحسـب حسابـه

مانـي بالنعـرات رافـع  عناويـن ولا أقمت لجـل العنصريـة خطابـه

حنـا سعودييـن دايـم عزيـزيـن ‍ لا عنصريـه لا جهـل لا  حرابـه

شعبـاً بتوفـق مـن الله غنيـيـن ‍علم وتطـور غيرنـا مـا اهتنابـه

عشنا بأمـان مواطنيـن ومقيميـن بأنحاء وطنا اللـي نقـدس  ترابـه

وبمناسبة ماللمزاييـن مـن  ديـن عند القبايل حان وقـت الوفـا  بـه

صاحت عتيبـه وينكـم يالشجيعيـن ‍ياصور صرحـاً ماتزعـزع عتابـه

برقا وروق أبناء ثبيـت  الأصيليـن ‍ومن ثبت أصله شرفـه  واعتزابـه

الجد ثابت بـن سعـد ثالـث اثنيـن نشت هوازن مـن ثنايـا  عضابـه

ياعزوتي لو وقعتي بـدر وحنيـن  ‍ عـادت لعينيهـا رميـت العصابـة

وسارت لجان الملتقى قبل  شهريـن ‍وكلاً حسـم رايـه وجهـز ركابـه

للملتقى اللي في انتظاره من سنيـن اليـوم التاريـخ بـاع  وشـرابـه

اربعمية والف وثمانيـة  وعشريـن عشرين مـن شـوال تـم اللقابـه

لقاء الشعار اللي لرؤيـاه  شفقيـن كـلاً سمـع ذكـره وكـلاً  درابـه

رفرف على الصحراء وأنار الميادين ‍ نوراً يعـود الفضـل للـي  بدابـه

مشعل ولد عبدالعزيز أحمـر العيـن ياحظ مـن عنـد اللـزوم  التقابـه

عـاد الحيـاة المشرقـة للمزاييـن عبر الخليج ونجـد واللـي  نشابـه

وتطلقت في البـر مثـل الشياهيـن تشتاق للحـادي وصـوت  الربابـه

هذي طرات الروح ياعاشق  الزيـن ‍ زيناً على العشـاق طـول غيابـه

وإن كان للأبـل الأصايـل مواميـن حنا لها أوسع صدر وأكثـر رحابـه

نعطي الجوائز ونصرف لها  الملايين نوصي بصحتهـا وحسـن الرقابـه

والكل منا يعطـي الطـاق  طاقيـن ‍لو تطلب الي من ورا الصين  جابـه

قصيدتي يانجـد خمسـة  وثمانيـن ‍بيتـاً تراقبهـا عـيـون الذيـابـه

وحنا على اوزان الشعـر مستقليـن ناخذ سنى شمسه ونتـرك  سرابـه

بإسم الشيوخ المخلصين  النزيهيـن قـادة عتيبـه للشـرف  والحزابـه

وإن كان ماسميتهم هـم  مسميـن تشهد لهم واحـات نجـد وهضابـه

يامرحبـا بضيوفنـا  المحترمـيـن ‍اقولهـا عـن عزوتـي بالنيـابـة

ترحيب بالأقصين منهـم  والأدنيـن اللي حضر واللـي يجـي مرحبابـه

نفرش لهم درب المحبـه  رياحيـن ودربـاً يضايقهـم علينـا اجتنابـه

قبيلتـي تشكـر جهـود الوفيـيـن ‍وتشكر من أثرا الملتقـى واعتنابـه

وتشكر مناديب الصحف  والمذيعيـن وعلـم الفضائيـات والـي سمابـه

ومشعل عطا لأهل المزايين  تأميـن ‍في كل عام تمـوت بـه  وتحيابـه

تموت لو عاد الجهـل بيننـا  بيـن ‍وتحيا إن زرعنا الحب في كل غابـه

حب الوطن مـع دمنـا بالشراييـن ‍نعتـز فيـه وعزتـه مـن شبابـه

هل تسمحون بجملتاً بيـن قوسيـن تمسح خطأ الشاعر وتثبت  صوابـه

يقول أبو متعب على الشعب  ثنتيـن دين ووطن مامـن وراهـا طلابـه

عاش الوطن عاش الملك قولوا أمين شاعر بدأ بإسـم الوطـن وانتهابـه

وأختم بذكـر اللـي لوجـه ملبيـن لاخـاب طلابـه ولا صـك بـابـه