|
سـلام يـاداراً لهـا القلـب ينجـر
جر السحاب إلي النسا يـم تسوقـه
|
|
على روابي نجـد ينشـي ويمطـر
ومن حيث ماكنـا نشاهـد بروقـه
|
|
دارآ تربـع فوقهـا الحـر الشقـر
حتى استقرت تحـت فيـة اسبوقـه
|
|
امن الخليج الشاطي البحـر الأحمـر
وامن العراق إلى معا ليـق دوقـه
|
|
عبدالعزيـز اللـي مزايـاه تشكـر
والوالـه راعيهـا يصعـب لحوقـه
|
|
بسط جنا حينه على البحـر والبـر
والجو رفرف بيـرق العـز فوقـه
|
|
أعظم علم يمتـاز بالـون الأخضـر
تخفق قلـوب المسلميـن الخفوقـه
|
|
وبالنخلة الخضراء وبالسيف الأبتـر
ولفظ ألجلاله زاد أشعـت شروقـه
|
|
هاذي رياض العـز تنهـى وتأمـر
ما غيرهـا للمخلصيـن امعشوقـه
|
|
اهدي لهـا ورد الحجـاز المعطـر
من شاعرآ حمل صبا نجـد شوقـه
|
|
سلام للافيـن مازهـر ومـا ثمـر
خضر الشجر وأينع ومالت وسوقـه
|
|
وسـلام ياربعـي عتيبـه وشمـر
الله يبلغـكـم رضــاه وفـوقــه
|
|
عليكـم البيـض الشلايـل تنـشـر
والـورد وإزهـاره تنثـر وروقـه
|
|
ياغلانسـب عنـد القبايـل موقـر
نعتـز بفروعـه ونحمـي عروقـه
|
|
ماميـل أعقـال الشمـاغ المشجـر
إلا مـن البـرود الشهـب نشوقـه
|
|
ومنهالت الهيلاً على صهـو البجـر
إلا بمن يحكم على الخصـم طوقـه
|
|
يامرحبـا ترحيـب سيـلآ تـحـدر
مع واديآ ذابت مـع المـاء طبوقـه
|
|
وباضيوف ربعي كـل منهـم مقـدر
الطيب والترحيـب يالقـاء صدوقـه
|
|
ترحيبآ احلا من جنا ألنخل الأصفـر
للـي ليـا هبـت تمايـل عذوقـه
|
|
لضيـوف جـارالله ولوفـآ تكـرر
كلآ يشوف الطيـب ويطيـب ذوقـه
|
|
ألليلـه الفرحـة علـى كـل منبـر
والشعر والشعـار تنـوع طروقـه
|
|
اللي تريـده يـا لعصيمـي تيسـر
النـاس مسروريـن الجـو روقـه
|
|
اليادعونـي عزوتـي ماتـا خــر
روحي لأصيلين الرجـال أمخلوقـه
|
|
ادعولهم بالعـز والحـض الأوفـر
العـزوة إلـي عهدهـا ماتبـوقـه
|
|
في ضل أبو متعب سمانـا المنـور
طب الجريـح إلـي تنامـا حروقـه
|
|
العـدل شامـل والمدايـن تعـمـر
ولا فيه شيآ عـن مسـاره يعوقـه
|
|
توفيـقٌ امـن الله ونصـرأ مـوزر
يعطف على العالـم ويرفـا فتوقـه
|
|
وسلطان وال سعود الكبر فـلا كبـر
خدموا الوطن واعطو المواطن حقوقه
|
|
عاشو وعاش الشعب حـرآ محـرر
شعبآ سكن حب الوطن في عموقـه
|
|
وقبل الختام إلـي ورد عـد صـدر
والماء الهماج أليـا ورد مايذوقـه
|
|
والناس قالو كل مـن عـاش خبـر
والطيب ماينباع فـي غيـر سوقـه
|
|
وان كان قصرت اعتـرف واتعـذر
المجتهد مـا يحتمـل فـوق طوقـه
|
