الفصل الأول:

من بقايا الأمس يروي لـي زمانـي قصة العاشق مـع النجـم اليمانـي

ما روى لي من بقايا الأمس  حتـى شدني شدة قضيـب الخيـز  رانـي

لاوهن عزمـي ولاقلـت  جهـودي والصبر مطلـوب عنـد  الامتحـان

قلت هل لي من بقايا الأمس حاجـه قـال تكفيـك المشاهـد والمعانـي

قلت له وش لون الأيـام  الخوالـي كل ما ترويـه عنهـا مـا  كفانـي

قال فيها من بقايـا الأمـس لوحـة فوقها الأطـلال والرسـم  البيانـي

لوحـة تحمـل تقاليـد  الجـزيـرة والرسم يوشك يعيد الأمـس  ثانـي

قلت يكفيني مـن الدهـر احترامـه حرمة الماضـي وتعظيـم المكانـي

مابحثنـا قصدنـا كسـب الدعايـة لا.. ولا المقصود ترديـد  الأغانـي

ما بحثنـا إلا لجـل غايـة  نبيلـة حب الاستطلاع للماضـي  شعانـي

قـال لاتطمـع بشيـئٍ مـا تنالـه هل علمت أن الطمع طبـع الأنانـي

قلت حدثنـي تـرى قلبـي  معنـى قال كيف أعنـا لعلـمٍ مـا عنانـي

من بقايا الأمس علماً شـع  نـوره أبحـث وتلقـاه يطلـق اللسـانـي

والأدب زرع البساتيـن  الجميـلـة ينبعـث منهـا أريـح  الزعفرانـي

من يريـد أيمتـع النفـس بشذاهـا لايقول الحائـط الصخـري  حدانـي

ومن بقايا الأمس بئراً جـف ماهـا كن ما كانت تساق أبهـا  السوانـي

مابقي منها علـى وجـه  الطبيعـة غير رسم الحبل فـوق الاصطوانـي

والبناء المهجور يادوبـك  تشوفـه والحـرن والجابيـه يالله  تبـانـي

والمرابـع يـا سقـا الله  المرابـع كان يرتع في كنفها ابـلٌ  وضانـي

حولها الصبيـان يحـدون  الحدايـا والصبايـا يلعـبـنَّ  الارجـوانـي

والعشيـة عفَّـت السهيـا  عليهـا فوقهـا نبـت النفـل  والأقحوانـي

لم نر منها سوى أرضا مـا  قليلـه كانت ترفع فوقها بعـض  الأوانـي

قلت وش لون القرى وش لون أهلها لم نجد منها سوى بعـض المبانـي

هل هجرها الناس من مدة  طويلـة أم طواها الدهر وابلاهـا  الزمانـي

قال فيهـا مـن مزايانـا الأصيلـة نجدة الملهـوف وإكـرام  العوانـي

وإحترام الجار لـو طـول  مقامـه والخـوي يحمونـه بحـد اللسانـي

للشرف يحيـون فرسـان  القبيلـة لجله الفـارس يعانـي مـا يعانـي

والدليل النقش في بعـض المواقـع صرة الفارس على صهو الحصانـي

القنـا والرمـح مشـدود بيميـنـه واليد اليسرى يشـد أبهـا العنانـي

اتخيل من يـرى الصـورة  أمامـه يأخذ الميـدان فالحـرب  اجولانـي

الفرس ما كـان فارسهـا  عليهـا سرجها ما يقبضـه غيـر البطانـي

قلت وش لون المدن هل من  بقايـا فالعصور الغابـرة كانـت  وكانـي

أصبحت تحكي تـراث العصـر الأول داكـن المنظـر هزيـل الأتـزانـي

والقلاع الخاويـة فـوق  الروابـي والصخر المنحوت مهزوز  الكيانـي

قلت وش لون الطرق هل من  معالم واضحـة للعيـن تشعـر بالأمانـي

قال اللي كانت تمـر أبهـا القوافـل كل ما يقفي ضعـن يقبـل ضعانـي

لو تسالها اليوم عن من مـر فيهـا أقسمت مـا كـان قافلـه  تطانـي

والمقابـر رحمـة الله  بالمقـابـر باعث الأمـوات وهـو المستعانـي

طمرتها الأرض واخفتهـا  الطبيعـة ربمـا ينـزل عليهـا مـو دمانـي

لم يكن يعلم عن اللـي كـان فيهـا من رفات الناس من ماضي الزماني

تذهب الدنيا ويذهـب مـن  عليهـا وكل حـيٍ ماعـدا الخـلاق  فانـي

هذه القصة وهـذا الشـرح  عنهـا قصة من شانهـا الـراوي دعانـي

هذي اللي من بقايا الأمـس اراهـا وهـي لا تنظـر الـي ولا  ترانـي

في عصرنا اليوم تغمرنـا السعـادة تحت راية من علـى الله  اعتمـاده

خـادم الحرميـن قايدنـا  المفـدى المليك اللـي رفـع سمعـة بـلاده

وارتدت بين الأمـم تـاج  السيـاده

بالعدل والعلـم وأحكـام  الشريعـة والعزم والرأي الأسمـى والرشـاده

فوق الأرض النا مع الأمجاد سيـرة وبالفضـا اتقنـا مقاليـد الـريـاده

نجدة الملهوف فـي حيـن الرزايـا والكرم والجود لآل اسعـود  عـاده

يوم تحرير الكويت اصخـوا دماهـم واشعلوها حرب مـا فيهـا هـواده

واعتزى فخر العرب صقر الجزيـرة وأسقط الباطل وأعاد الحـق  عـاده

واحتضن لبنان في شـوق ومحبـه واستعـاد أمنـه وعـزه  واتحـاده

ساعد البوسنة ودافع عـن حماهـا حين واجه شعبهـا حـرب  الأبـاده

وانقذ الصومال من مـوت  محقـق واستحق الشكـر عنهـا والإشـاده

وشارك الأفغان في كـل  المواقـف قال مطلبنـا النصـر وإلا الشهـاده

كم سعى في إصلاحهم حتى  تحقـق وكم بذل وقتـه ومالـه  وإجتهـاده

واعتنى بالقدس وأعلنهـا صريحـة قال فلسطيـن تسكـن فـي فـؤاده

وأن حدث في قطر إسلامي كـوارث جـاد لـه والله متـى ماجـاد زاده

نصرة الإسـلام مفروضـة  علينـا والوفـا شيمـة ملكنـا  واعتقـاده

في حد عشر عام حققنـا  الأمانـي والفهد لازال ماضـي فـي  جهـاده

العـدل دستورنـا والطيـب فيـنـا والشجاعـة طبعنـا شعبـاً وقـاده

إلى ولـي العهـد نرفعهـا  تحيـة والوفـا سلطـان نعلنهـا  شهـاده

والثنا والمدح مـن حـق  وامرانـا هـم هـل النخـوة نزيهيـن الإراده

يا مـلا هـذي سجايانـا الأصيلـه من رضي عنه الكريم أرضى  عباده

هـذا حاضرنـا ولازلنـا  نواصـل وإعتزاز الشعب مـن عـز القيـاده

بالختام أرفـع سلامـي وإحترامـي للمليك اللـي رفـع سمعـة بـلاده